आजही शिंदे गटापेक्षा ठाकरे गटाकडे आहे संघटनेचे बहुमत ?

दसरा मेळाव्यापासून शिंदे गटातील मंत्र्यासह नेत्यांनीही आमचा दसरा मेळाव्यास किती गर्दी होती त्यावर टीका टिपणी करत ठाकरे गटाला कमकुवत ठरविण्यात पुढाकार घेतला होता. पंरतु ठाकरे गटाची सदस्याची संख्या बघता शिंदे गटातील सदस्य सख्या कमी असल्याचा दावा होत आहे. आता निवडणूक आयोगाला निर्णय घेणे सोपे जाणार आहे. संघटनेत दोनतृतीयांश फूट पडली आहे का?,

ठाकरेंसोबत १० लाख सदस्य
१२ लाख प्राथमिक सदस्यांपैकी १० लाख प्राथमिक सदस्य आपल्यासोबत असल्याचा दावा माजी मुख्यमंत्री उद्धव ठाकरे यांनी केला आहे. निवडणूक आयोगाला सादर केलेल्या दस्तऐवजात उद्धव ठाकरे यांनी पक्षाचे १४ आमदार, १२ विधान परिषद सदस्य, ७ खासदार आणि ३ राज्यसभा सदस्य आपल्यासोबत असल्याचाही दावा केला आहे.

तर शिंदेंकडे केवळ १.६ लाख सदस्य
शिवसेनेचे १२ लाख प्राथमिक सदस्य आहेत. त्यापैकी १० लाख सदस्य उद्धव ठाकरे गटाकडे आहेत. मुख्यमंत्री शिंदे गटाकडे केवळ 1.6 लाख सदस्य आहेत. ठाकरे गटाने निवडणूक आयोगाकडे सादर केलेल्या कागदपत्रांमध्येही असे म्हटले आहे.

ठाकरेंकडे 2.6 लाख पदाधिकारी
याशिवाय संघटनेचे 2.6 लाख पदाधिकारीही उद्धव ठाकरे यांच्यासोबत आहेत. 29 प्रदेशाध्यक्षांपैकी 18 आपल्यासोबत आहेत तर, केवळ 11 जण मुख्यमंत्री शिंदे यांच्यासोबत असल्याचा दावा उद्धव ठाकरे यांनी केला आहे.

बंडखोरांची मोजणी करु नये
राष्ट्रीय कार्यकारिणीतील २३४ सदस्यांपैकी १६० सदस्यांनी उद्धव ठाकरेंना पाठिंबा दिला आहे. मुख्यमंत्री एकनाथ शिंदे यांच्याकडे 40 आमदार आणि 12 खासदार असल्याच्या दाव्यावर उद्धव ठाकरे गटाचे म्हणणे आहे की, या लोकांविरुद्धची अपात्रता याचिका विचाराधीन आहे. त्यामुळे त्यांची गणती शिंदे यांच्याकडे केली जाऊ नये.
उद्धव ठाकरे गटाकडून करण्यात आलेल्या दाव्यावर कॅबिनेट मंत्री उदय सामंत म्हणाले की, 8 ऑगस्ट 2022 रोजी आम्ही निवडणूक आयोगाकडे 32 हजारांहून अधिक प्रतिज्ञापत्रे सादर केली होती. 23 ऑगस्ट 2022 रोजी आम्ही आयोगाला 1.21 लाखांहून अधिक प्रतिज्ञापत्रे दिली. यानंतर 23 सप्टेंबर 2022 रोजी आम्ही 11 प्रदेशाध्यक्षांना शपथ दिली होती. तसेच सुमारे आठ ते साडेआठ लाख प्राथमिक सदस्यांनी शिंदे गटाला पाठिंबा देण्याचे प्रतिज्ञापत्र दिले आहे. तेही निवडणूक आयोगाला दिले आहे.