जळगाव : प्रतिनिधी
भादली येथील पाटावर दि ३ रोजी जळगाव येथील तरुणाची हत्या करून मयताची प्रेत त्या ठिकाणी मिळून आल्याने घटनास्थळी पोलीस अधीक्षक डॉ.प्रविण मुंढे, अपर पोलीस अधीक्षक श्री.चंद्रकांत गवळी यांनी भेट देवून स्थानिक गुन्हे शाखेचे पोलीस निरीक्षक किसन नजनपाटील यांना सदर गुन्ह्या उघडकिस आणणे बाबत आदेश दिले होते. त्यावरुन पोलीस निरीक्षक किसन नजनपाटील यांनी स्थानिक गुन्हे शाखेकडील सपोनि जालींदर पळे, पोउपनिरी अमोल देवढे, सफी रवि नरवाडे, पोह संजय हिवरकर, राजेश मेंढे, जितेंद्र पाटील, लक्ष्मण पाटील, महेश महाजन, अक्रम शेख, संदिप सावळे, पोना रणजीत जाधव, विनोद सुभाष पाटील, किशोर राठोड, नितीन बावीस्कर, प्रितम पाटील, ईश्वर पाटील, मुरलीधर बारी, रमेश जाधव यांचे पथक नेमण्यात आले होते.
स्थानिक गुन्हे शाखेचे पोलीस निरीक्षक किसन नजनपाटील यांना मिळालेल्या गुप्त माहितीनुसार, मयत सौरभ यशवंत चौधरी व त्याचा साथीदार ईश्वर नथ्थु सपकाळे हे नेहमी सोबत राहत असून साधारण ४ ते ५ दिवासापूर्वी या दोघांचा वाद झाला होता. अशी माहिती मिळाल्याने पोलीस निरीक्षक किसन नजनपाटील यांनी पथकासह ईश्वर नथ्थू सपकाळे याचा शोध घेतला असता. तो दिनांक १३ रोजी सकाळपासून घरी नव्हता. त्यावेळी त्याचे घरच्यांना त्याबाबत विचारपुस केली असता तो कुठे गेला याबाबत सांगता येणार नाही असे सांगीतले.
कानळदा येथील ईश्वर नथ्थु सपकाळे त्याचा सदर भागात शोध घेतला असता तो आज रोजी दिनांक ०६ रोजी कानळदा शिवारात मिळून आल्याने त्यास ताब्यात घेण्यात आले असून त्यास पोलीस निरीक्षक किसन नजनपाटील यांनी विचारपुस केली असता. ईश्वर नथ्थ्य सपकाळे याने कळविल की, मयत सौरभ यशवंत चौधरी, रा दशरथ नगर जळगाव याने माझे कडून हात उसनवार पैसे घेतले होते. दिनांक ०२ रोजी ०९.३० वाचे सुमारास मोटार सायकल मी व मयत सौरभ चौधरी असे श्रीराम चौक जनाबाद येथून निघुन भादली येथील पाटचारीवर बसून गप्पा मारत असतांना मी मयत सौरभ चौधरी यास हातउसनवारीचे पैसे मागण्यास गेलो असता आमच्या दोघात वाद होवून भादली ता. जि. जळगाव येथील पाटचारी जवळ धारदार शस्त्र व लोखंडी रॉडने त्यास मारून जिवेठार केले बाबत सांगत असून गुन्ह्यांची कबुली दिली आहे.
