गांधी जयंतीनिमित्त चेतना व्यसनमुक्ती केंद्राचा उपक्रम
जळगाव प्रतिनिधी : महात्मा गांधी यांच्या जयंतीनिमित्त आज चेतना व्यसनमुक्ती केंद्रातर्फे नशामुक्त व व्यसनमुक्त अभियानाला शहरात रॅलीने सुरुवात झाली. यावेळी आमदार राजूमामा भोळे व राष्ट्रवादीचे नेते तथा जिल्हा बँकेचे चेअरमन गुलाबराव देवकर यांची प्रमुख उपस्थिती होती.
रॅली निघण्यापूर्वी श्री देवकर यांनी अशा अभियानाची समाजाला गरज असून, व्यसनमुक्ती केंद्राचा हा उपक्रम कौतुकास्पद असल्याचे सांगितले. आमदार भोळे यांनी देखील या उपक्रमाचे कौतुक केले.
यावर्षी व्यसनमुक्त व गांजामुक्त महाराष्ट्र हा संदेश महाराष्ट्रभर देण्यात येणार असून, राज्यात वर्षभर हे अभियान चालू राहणार असल्याचे यावेळी चेतना व्यसनमुक्ती व उपचार केंद्रातर्फे स्पष्ट करण्यात आले.
