पाळधी येथे पालकमंत्री गुलाबराव पाटील यांच्या वर विश्वास ठेवून कार्यकर्त्यांचा प्रवेश सोहळा
धरणगाव प्रतिनिधी | पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबराव पाटील यांच्या उपस्थितीत पाळधी येथील विश्रामगृह येथे धरणगाव शहरातील माजी नगरसेवक वासुदेव चौधरी यांच्या सहसेकडो कार्यकर्त्यांनी आज शिंदे गटात प्रवेश केला आहे. यामुळे धरणगाव शहरात शिवसेनेला मोठा धक्का दिला आहे तर शिंदे गटाचे वर्चस्व सिद्ध झाले आहे.
दसरा मेळाव्याच्या पार्श्वभूमीवर पाणीपुरवठा व स्वच्छता मंत्री तथा जिल्ह्याचे पालकमंत्री ना. गुलाबराव पाटील यांच्या उपस्थितीत धरणगाव तालुक्यातील पाळधी येथे शिंदे गटाची बैठक घेण्यात आली. यावेळी जळगाव जिल्ह्यातील किमान १० हजार शिवसेनेचे कार्यकर्ते दसरा मेळाव्याला जाणार असल्याची प्राथमिक माहिती पालकमंत्री गुलाबराव पाटील यांनी दिली. दरम्यान रविवार 2 ऑक्टोबर रोजी सकाळी पाळधी येथे झालेल्या कार्यकर्ता मेळाव्यात धरणगाव शहराचे माजी नगरसेवक वासुदेव चौधरी यांच्यासह अनेक शिवसैनिकांनी शिवसेनेला धक्का देत आज पालकमंत्र्यांच्या उपस्थितीत शिंदे गटात प्रवेश केला आहे. यामुळे धरणगाव तालुक्यात राजकीय खळबळ उडाली आहे.
