चोपडा : प्रतिनिधी
तालुक्यातील गलंगी येथे एका २८ वर्षीय तरुणाला दोन अनोळखी इसमानी दगड मारून त्याची दुचाकी पळवून नेल्याची घटना घडली आहे. या प्रकरणी चोपडा ग्रामीण पोलीस स्थानकात गुन्हा दाखल करण्यात आला आहे.
सविस्तर वृत्त असे की, तालुक्यातील गलंगी येथील फोरेस्ट चौकीजवळ गणपूर रोडच्या उतारावर एका २८ वर्षीय तरुणाला दोन अनोळखी इसमानी दि २७ रोजी रात्रीच्या सुमारास त्या तरुणाला दगड मारून त्याच्या मालकीची असलेली दुचाकी क्र.एम.एच.१८.बि.एफ.२७४४ हि त्याच्या ताब्यातून घेवून बळजबरीने चोरून नेल्याची घटना घडल्याने तरुणाने दि २८ रोजी सकाळी चोपडा ग्रामीण पोलिसात धाव घेत राकेश लोटन श्रीराव(वय २८) ता.शिरपूर, जि.धुळे याच्या फिर्यादी वरून २ अनोळखी इसमाविरोधात गुन्हा दाखल केला आहे. पुढील तपास पोउनी.अमरसिंग वसावे हे करीत आहेत.
