पाचोरा पोलीस स्थानकाचे पोलीस निरीक्षक किसनराव नजन-पाटील यांच्याकडे जळगाव एलसीबीचा पदभार सोपविण्यात आला आहे. याबाबतचे आदेश पोलीस अधीक्षक डॉ. प्रवीण मुंढे यांनी गुरूवारी १५ सप्टेंबर रोजी सायंकाळी काढले आहेत.
मराठा समाजाच्या विरोधात आक्षेपार्ह वक्तव्य केल्याप्रकरणी पोलीस निरीक्षक किरणकुमार बकाले यांना निलंबित करण्यात आले आहे. त्यामुळे त्यांचे रिक्तपदावर आता पाचोरा पोलीस ठाण्याचे पोलीस निरीक्षक किसनराव नजन-पाटील यांची नियुक्त करण्यात येत असल्याचे आदेश जिल्हा पोलीस अधिक्षक डॉ प्रविण मुंढे यांनी काढले आहे. पोलीस अधिक्षकांनी दिलेल्या आदेशात म्हटले आहे की, पाचोरा पोलीस ठाण्याचे पोलीस निरीक्षक किसनराव नजन-पाटील यांनी जळगाव स्थानिक गुन्हे शाखेचा अतिरिक्त पोलीस निरीक्षक पदाचा पदभार पुढील आदेश येईपर्यंत आहे. तसेच पाचोरा पोलीस ठाण्याचा प्रभारी अधिकारी म्हणून कामकाज पहावे असे सुचना देण्यात आले आहे. याबाबतचे आदेश पोलीस अधिक्षक प्रविण मुंढे यांनी गुरूवार १५ सप्टेंबर रोजी सायंकाळी काढले आहे.
