तरुण सलून व्यावसायिकाचा रेल्वे अपघात मृत्यू

अमळनेर : प्रतिनिधी

शहरातील झामी चौकात सलून व्यवसाय करणाऱ्या ३२ वर्षीय तरुणाचा रेल्वे खाली आल्याने दुर्दैवी मृत्यू झाल्याची घटना १२ रोजी सायंकाळी ६ वाजे दरम्यान घडली. याप्रकरणी अमळनेर पोलिसात अकस्मात मृत्यूची नोंद करण्यात आली आहे.

सविस्तर वृत्त असे की, येथील झामी चौकातील सलून व्यावसाय करून आपल्या परिवाराचा उदर निर्वाह करणाऱ्या ३२ वर्षीय तरुणाचा मृत्यू झाल्याने अमळनेर परिसरात हळहळ व्यक्त केली जात आहे. अमळनेर- सुरत रेल्वे मार्गावरील चांदणीकुहे रेल्वे गेटच्या पुढे घडली. याबाबत रात्री उशिरा अमळनेर पोलिसात अकस्मात मृत्यूची नोंद झाली. रवींद्र सखाराम वारुळे (रा. मोहाडीकर प्लॉट, शारदा कॉलनी, अमळनेर) असे मृताचे नाव आहे. त्याचा मृतदेह १२ रोजी सायंकाळी रेल्वे लाइनलगत आढळला. घटनेची माहिती मिळताच अमळनेर पोलिसांनी पंचनामा केला. घटनेमागील कारणांचा पोलिस शोध घेत आहेत.