जळगाव प्रतिनिधी । कुटुंबिक वादातून संतापाच्या भरात कुणाला काहीही न सांगता ३२ वर्षीय विवाहिता शिवकॉलनीतून बेपत्ता झाल्याची घटना समोर आली आहे. याबाबत रामानंदनगर पोलीसात घटनेची नोंद करण्यात आली आहे.
याबाबत अधिक माहिती अशी की, वैशाली ज्ञानेश्वर पाटील (वय-३२) रा. शिवकॉलनी, जळगाव हे आपल्या कुटुंबियासह वास्तव्याला आहेत. ५ सप्टेंबर रोजी घरात झालेल्या कौटुंबिक वादातून कुणाला काहीही न सांगता बेपत्ता झाल्या आहेत. त्याच्या नातेवाईकांसह पती ज्ञानेश्वर पाटील यांनी विवाहितेचा सर्वत्र शोध घेतला परंतू अद्याप कोणतीही माहिती मिळाली नाही. याबाबत रामानंद नगर पोलस ठाण्यात धाव घेवून हरविल्याची खबर दिली. याबाबत रामानंद नगर पोलीसात नोंद करण्यात आली आहे. पुढील तपास सुनिल पाटील करीत आहे.
