जामनेर : प्रतिनिधी
अज्ञात चोरट्याने बोदवड-पुणे बसमधून एका वृद्ध महिलेची पर्स लांबवल्याची घटना घडली आहे. याप्रकरणी विजया मधुकर पाठक (वय ७६, व्यवसाय वयोवृद्ध रा. शिव कॉलनी जामनेर) यांच्या फिर्यादीवरून अज्ञात चोरट्याविरुद्ध गुन्हा दाखल करण्यात आलेला आहे.
या संदर्भात अधिक असे की, विजया पाठक ह्या दि. ७ सप्टेंबर रोजी साडेनऊ वाजेच्या सुमारास बोदवड-पुणे बसमधून प्रवास करत होत्या. अज्ञात चोरट्याने त्यांची फिक्कट गुलाबी रंगाची पर्स चोरुन नेली. या पर्समध्ये १६ ग्रॅम वजनाची पोत तसेच साडेनऊ हजार रुपयाची रोकड होती. दरम्यान, याप्रकरणी विजया पाठक यांच्या फिर्यादीवरून गुन्हा दाखल करण्यात आला असून पुढील तपास पो.ना राजू तायडे हे करीत आहेत.
