जळगाव : येथील शासकीय आयुर्वेदिक महाविद्यालय व श्री गुलाबराव देवकर मल्टीस्पेशालिटी वैद्यकीय व आयुष रुग्णालयातील श्री गणेशाचे आज सातव्या दिवशी जल्लोषात विसर्जन करण्यात आले. यावेळी देवकर फार्मसी कॉलेज व नर्सिंग कॉलेजच्या श्री गणेशाचे विसर्जन देखील जल्लोषात झाले.
विसर्जनापूर्वी देवकर रुग्णालयाचे कार्यकारी संचालक विशाल देवकर यांच्या हस्ते श्री गणेशाची पूजा करण्यात आली. त्यानंतर बी ए एम एस, फार्मसी व नर्सिंग महाविद्यालयाच्या विद्यार्थ्यांनी डीजेच्या तालावर ठेका धरत श्री गणरायाला जल्लोषात निरोप दिला. मेहरूण तलावावर सायंकाळी तीनही महाविद्यालयांच्या गणरायाचे भक्तिभावात विसर्जन करण्यात आले.
