जळगाव : प्रतिनिधी
शहरातील छत्रपती शिवाजी नगर परिसरातील एका विवाहितेने आपल्या राहत्या घरात गळफास घेवून आपली जीवनयात्रा संपविल्याची घटना घडली आहे प्रकरणी शहर पोलिसात अक्स्मात मृत्यूची नोंद करण्यात आले आहे.
सविस्तर वृत्त असे की, शहरातील छत्रपती शिवाजी महाराज नगर परिसरातील लाकूड पेठ मधील रहिवासी उमेश भास्कर मोघे यांच्या पत्नी संगिता उमेश मोघे (वय ४०) यांनी सोमवारी ५ सप्टेंबर रोजी सकाळी ११.३० वाजेच्या सुमारास घरात कुणीही नसतांना राहत्या घरात गळफास घेवून आपली जीवनयात्रा संपविल्याची घटना घडली आहे. पती उमेश मोघे हे घरी आल्यावर पत्नीने गळफास घेतल्याचे लक्षात आले. शेजारचांच्या मदतीने त्यांना खाली उतरवून तातडीने जिल्हा रूग्णालयात दाखल केले असता वैद्यकीय अधिकारी डॉ. राहूल सोनवणे यांनी मृत घोषीत केले. त्यांच्या पश्चात पती उमेश मोघे, मुलगी यशीता, देवांश आणि माहिर हे दोन मुले असा परिवार आहे. प्रकरणी मंगळवारी ६ सप्टेंबर रोजी सकाळी शहर पोलीस ठाण्यात अकस्मात मृत्यूची नोंद करण्यात आली आहे.
