चोपडा : प्रतिनिधी
माहेरून ४ लाख रुपये आणण्यासाठी विवाहितेचा मानसिक, शारीरिक छळ केल्याप्रकरणी चोपडा शहर पोलिसात गुन्हा दाखल करण्यात आला आहे.
सविस्तर वृत्त असे की, मीना अनिल पारे (वय ३५, रा. तारामती नगर नागलवाडी रोड चोपडा) यांनी फिर्याद दिली आहे. त्यात म्हटले आहे की, तिच्या सासरची मंडळी मागील एक वर्षपासून माहेरून ४ लाख रुपये आणण्यासाठी शारीरिक मानसिक छळ करीत मारहाण व शिवीगाळ करत होते. ११ नोव्हेबर २०१५ पासून ५ एप्रिल २०१६ पर्यंत पती अनिल श्यामराव पारे, सासू कमलबाई श्यामराव पारे, सासरे श्यामराव पारे, दीर – किरण पारे, सवतची मुलगी संस्कृती पारे (सर्व रा.आदर्श नगर, साक्री जि. धुळे) मयत सवतची आई विमलबाई वाघ (रा. धुळे) यांनी शिवीगाळ व मारहाण करीत फारकत देण्याची धमकी देत असल्याचेही फिर्यादीत म्हंटले आहे. याप्रकरणी चोपडा शहर पोलिसात गुन्हा दाखल करण्यात आला असून पुढील तपास पोहेकॉ प्रमिला पवार ह्या करीत आहेत.
