जळगाव प्रतिनिधी;- घरासमोर उभ्या असलेल्या महिलेच्या गळ्यातून धूमस्टाईलने दुचाकीवरून आलेल्या दोन जणांनी २० ग्राम किमतीची मंगलपोत लांबवितयाची घटना बुधवारी सायंकाळी घडली असून याप्रकरणी गुन्हाच दाखल करण्यात आला आहे.
सूत्रांच्या माहितीनुसार प्रेमनगरात असलेल्या सप्तशृंगी माता मंदिराच्या मागे बेंडाळे नगरात प्रतिमा विवेक काटदरे वय ५२ या वास्तव्यास आहेत. बुधवारी सायंकाळी सहा वाजेच्या सुमारास दूध घेण्यासाठी दुचाकीने गणेश कॉलनीत गेल्या. दूध घेऊन पुन्हा घरी परतल्या घराच्या गेटसमोर उभे असताना विना नंबरच्या दुचाकीवरून आलेल्या दोघांपैकी मागे बसलेल्याने काटदरे यांच्या गळ्यातील पन्नास हजार रुपये किमतीची वीस ग्रॅमची मंगळपोत तोडून नेली. काही कळण्याच्या आत संशयित घटनास्थळावरून पसार झाले होते.
याप्रकरणी प्रतिमा काटदरे यांनी जिल्हापेठ पोलिस ठाण्यात दिलेल्या तक्रारीवरून अज्ञात दोघांविरुध्द गुन्हा दाखल झाला आहे.
