धरणगाव : प्रतिनिधी
तालुक्यातील पिंप्री खुर्द येथे संत सेना महाराज यांच्या पुण्यतिथीनिमित्त समाज बांधव व भजनी मंडळातर्फे संत सेना महाराज यांना अभिवादन करण्यात अाले. प्रारंभी गावातून संत सेना महाराज यांच्या दिंडीचे आयोजन करण्यात आले होते. या दिंडी द्वारे गावात सामाजिक जागृतीचा संदेश देण्यात आला. या प्रसंगी पिंप्री येथील नाभिक समाजाचे अध्यक्ष राजेंद्र बोरसे, सर्व सदस्यांसह अरुण चित्ते, नाना सूर्यवंशी, रमण बोरसे, बापू महाले, देविदास सोनगिरे, संतोष सोनावणे, संतोष सोनगिरे, जयेश सोनगिरे, राजेंद्र सोनवणे, हिंमत सोनवणे, एकनाथ सोनगिरे, नवल सोनगिरे, गजानन बोरसे, नीलेश सोनगिरे, दादा निकम यांच्यासह सर्व नाभिक समाजबांधव उपस्थित होते.
धरणगाव येथील अखिल भारतीय जिवाजी सेनेच्या वतीने आज वारकरी संप्रदायातील महान संत श्री संत सेना महाराज यांची पुण्यतिथी साजरी करण्यात अाली. यानिमित्त अभिवादनपर कार्यक्रम घेण्यात आला. जिल्ह्याचे विभागीय अध्यक्ष प्रा. बी. एन. खोंडे यांच्या मार्गदर्शनात व तालुकाध्यक्ष रवींद्र निकम, शहराध्यक्ष अमोल महाले यांच्या नेतृत्वात विविध कार्यक्रमांचे अायाेजन केले हाेते. यात जिवाजी सेनेच्या पदाधिकाऱ्यांकडून वारकरी शिक्षण संस्थेतील विद्यार्थ्यांसाठी भोजनाची व्यवस्था केली हाेती. वारकरी शिक्षण संस्थेत घेण्यात आलेल्या या कार्यक्रमास महंत भगवानदास महाराज अध्यक्षस्थानी होते. या वेळी नगराध्यक्ष नीलेश चौधरी, माजी जिल्हा परिषद सदस्य प्रताप पाटील, प. रा. संस्थेचे अध्यक्ष डॉ. अरुण कुळकर्णी, व्ही. टी. गालापुरे, सचिव डॉ. मिलिंदकुमार डहाळे, प्रा. सी. एस. पाटील, प्रा. बी. एल. खोंडे, राजेंद्र फुलपगार, जगन्नाथ फुलपगार, अशोक झुंझारराव, दीपक झुंझारराव आदींसह राजकिय, सामजिक व शैक्षणिक क्षेत्रात कार्य करणाऱ्या मान्यवरांनी संत सेनाजी महाराज यांच्या प्रतिमेला माल्यार्पण करुन अभिवादन केले. या प्रसंगी रवींद्र निकम, अमोल महाले, निंबा निकम, जगन्नाथ पुलपगार, डिगंबर निकम, सचिन झुंजारराव, सुधाकर फुलपगार, देवा निकम, गोरख फुलपगार, शिवा निकम आदींनी सहकार्य केले.
