जळगाव प्रतिनिधी । युवासेना प्रमुख आदित्य ठाकरे यांचा पाचोरा तालुक्यातील पाथरी गावात माजी सरपंच निलेश प्रेमसिंग पाटील यांच्यासह गावकऱ्यांनी जल्लोषात स्वागत करून सत्कार करण्यात आला.
युवासेना प्रमुख आमदार आदित्य ठाकरे हे शिवसंवाद यात्रे निमित्त जळगाव जिल्हा दौऱ्यावर असतांना पाचोरा कडे जात असतांना पाथरी या गावातील माजी सरपंच निलेश प्रेमसिंग पाटील, संतोष नेटके तसेच राहुल अरुण पाटील यांनी युवासेना प्रमुख आमदार आदित्य ठाकरे यांचा शाल श्रीफळ देऊन सत्कार केला यावेळी उपस्थित देवेंद्र चव्हाण, निलेश कडु पाटील, हिरामण आण्णा,बाळु कासे, गोविंदा धनगर व दिपराज जाधव यांच्यासह मोठ्या संख्येने ग्रामस्थ उपस्थित होते.
या सत्कार प्रसंगी पाथरी येथील राहुल अरुण पाटील यांनी माजी मुख्यमंत्री व शिवसेना पक्षप्रमुख उध्दव ठाकरे हे मागच्या काळात जळगाव जिल्हा दौऱ्यावर असतांना पाथरी गावातील माध्यमिक शिक्षण विद्यालय इमारती विषयी आश्वासन दिले होते असं आदित्य ठाकरे यांना तोंडी सांगितले असता आपण यासंबंधी लेखी स्वरूपात पत्र देण्याचे आवाहन केले.
