जळगाव प्रतिनिधी । जळगाव तालुक्यातील विटनेर गावातून मध्यरात्री अज्ञात चोरट्यांनी पशूधनाची चोरी केल्याची घटना सकाळी उघडकीला आली आहे. याबाबत पोलीसात अद्याप कोणतीही नोंद करण्यात आलेली नाही.
याबाबत अधिक माहिती अशी , एमआयडीसी पोलीस ठाण्याच्या म्हसावद पोलीस दुरक्षेत्र हद्दीच्या अतंर्गत असलेल्या जळगाव तालुक्यातील विटनरे गावातून मंगळवारी १६ ऑगस्ट रोजी मध्यरात्री १ ते२.३० वाजेच्या सुमारास गुरांची चोरी झाली. हा प्रकार बुधवारी १७ ऑगस्ट रोजी सकाळी उघडकीला आला. गेल्या अनेक दिवसांपासून विटनेगा गावासह म्हसावद पोलीस दुरक्षेत्र हद्दीत चोऱ्यांचे प्रमाण वाढले आहे.
विटनेर गावातील भवानी नगरात राहणारे सेवानिवृत्त पोस्टमन सुभाष गिरीधर जाधव यांच्या मालकीचे दोन गुरे चोरीस गेल्याचे निदर्शनास आले आहे. वारंवार होत असलेल्या चोऱ्यामुळे शेतकऱ्यांसह गावकरी कमालीचे धस्तावले आहे. या घटनेबाबत पोलीसात अद्याप कोणतीही नोंद किंवा तक्रार देण्यात आली नसल्याचे समजते. दरम्यान पोलीस पाटील डॉ. गुजाळ यांच्याशी संपर्क साधला असता लवकरच पोलीसात तक्रार देण्यात येईल असे सांगण्यात आले आहे.
