जळगाव प्रतिनिधी| औरंगाबाद शहरात एक धक्कादायक घटना समोर आली. एका युट्यूब पत्रकाराने तरुणीचा खून करून मृतदेह घेऊन जात असतांना परिसरातील नागरिकांनी घरात रक्ताचा सडा पाहता आरोपीला पोलिसांनी ताब्यात घेतले आहे.
अंकिता श्रीवास्तव असे मृत महिलेचा नाव असून, सौरभ लाखे असे आरोपीचे नाव आहे. सौरभ आणि अंकिता यांचे प्रेमप्रकरण होते. सौरभ हा औरंगाबादच्या शिऊर गावी राहायचा. तसेच तो एका युट्यूब चैनलला पत्रकार म्हणून काम करायचा. प्रेम प्रकरणातून हा खून झाला असल्याचे बोलले जात आहे.
सौरभ हा तीन दिवसांपूर्वी अंकिताच्या रूमवर आला होता. त्यावेळीच त्याने खून केला असल्याचा संशय आहे. कारण गेली तीन दिवस या रूमला बाहेरून कुलूप लावलेला होता.तरुणीची गळा चिरून हत्या केली आहे.
शहरातील हडको कॉर्नरजवळील डिमार्ट जवळ एका खोलीत तरुणीचा खून करून मृतदेह घेऊन जात होता. आज सकाळी सौरभ पुन्हा परत आला आणि दरवाजा उघडून मृतदेह पोत्यात भरून चारचाकी गाडीत टाकून निघून गेला. मात्र याचवेळी त्याने घराचा दरवाजा उघडाच ठेवला होता. त्यामुळे घरातून वास येऊ लागल्याने शेजाऱ्यांनी जाऊन पाहिले असतांना त्यांना रक्ताचा सडा पाहायला मिळाला. त्यामुळे नागरिकांनी याची माहिती पोलिसांना दिली.
