यावल प्रतिनिधी । शहरातील कला वाणिज्य व विज्ञान महाविद्यालयात प्राचार्या डॉ. संध्या सोनवणे यांच्या मार्गदर्शनाखाली १२ ऑगस्ट २०२२ रोजी ग्रंथालयाचे शास्त्राचे जनक डॉ. एस. आर. रंगनाथन यांच्या १३० व्या जयंतीनिमित्त ‘राष्ट्रीय ग्रंथपाल दिवस’ साजरा करण्यात आला.
यानिमित्त कला, वाणिज्य व विज्ञान महाविद्यालयाचे उपप्राचार्य प्रा.एम.डी. खैरनार, प्रा.ए.पी. पाटील व प्रा संजय पाटील यांच्या हस्ते डॉ.एस.आर. रंगनाथन यांच्या प्रतिमेचे पुष्पहार अपर्ण पूजन करण्यात आले.
उपप्राचार्य प्रा.एम.डी. खैरनार यांनी ग्रंथालय शास्त्राचे जनक डॉ. एस. आर. रंगनाथन यांच्या व्यक्तित्वावर व त्यांच्या कार्याबद्दल सखोल असे मार्गदर्शन केले. या कार्यक्रमाचे आयोजन संतोष ठाकूर यांनी केला. याप्रसंगी डॉ.एस.पी. कापडे, डॉ.आर.डी. पवार, डॉ.पी.व्ही. पावरा, मुकेश येवले, मिलिंद बोरघडे, अनिल पाटील, प्रमोद भोईटे, शिक्षक व शिक्षकेतर कर्मचारी व विद्यार्थी, विद्यार्थिनी उपस्थित होते.
