लाईव्ह महाराष्ट्र न्यूज विशेष प्रतिनिधी : पुण्यात तळेगाव दाभाडे येथील इंद्रपुरीमध्ये राहणाऱया खून करण्यात आल्याचे समोर आले आहे. महिलेच्या तिच्या शवविच्छेदनाच्या अहवालातून माहिती समोर आली आहे, अशी माहिती देहूरोड पोलिसांनी दिली.
संगीता भोसले (वय 38, रा. मंत्रा सिटी, तळेगाव दाभाडे) असे मृत महिलेचे नाव आहे. संगीता भोसले या सकाळी साडेआठच्या सुमारास इंद्रपुरी येथील भंडारी व्हिला जवळ रस्त्यावर जखमी अवस्थेत पडलेल्या आढळल्या. अपघात झाला असावा, असे समजून त्यांना रुग्णालयात हलविण्यात आले होते. पण, डॉक्टरांनी उपचारापूर्वीच त्यांना मृत घोषित केले होते.
पोलिसांनी दिलेल्या माहितीनुसार, ‘संगीता भोसले या सकाळी आई-वडिलांच्या घरी जात असताना अज्ञात व्यक्तीने धारदार हत्याराने गळ्यावर वार केल्याचे दिसून येते. त्यानुसार तळेगाव दाभाडे पोलिस ठाण्यात संगीता भोसले यांचा खून करणाऱ्या अज्ञात व्यक्तीविरोधात गुन्हा दाखल करण्यात आला आहे. तळेगाव दाभाडे पोलिस पुढील तपास करीत आहेत.
