लाईव्ह महाराष्ट्र न्यूज: शहरातील श्री छत्रपती शिवाजी महाराज क्रीडा संकुलात जिल्हा क्रीडा अधिकारी कार्यालय, शहर महानगरपालिका व हॉकी जळगावच्या संयुक्त विद्यमाने महानगरपालिका स्तरीय आंतरशालेय नेहरू हॉकी चषक स्पर्धेचे उद्घाटन शुक्रवार ५ ऑगस्ट रोजी सकाळी ११ वाजता करण्यात आले.
महापालिका स्तरीय आंतरशालेय नेहरू हॉकी चषक स्पर्धेचे उद्घाटन नगरसेवक तथा कबड्डीचे राष्ट्रीय खेळाडू नितीन बरडे यांच्याहस्ते करण्यात आले.
या स्पर्धेत १५ वर्षातील मुलांच्या स्पर्धेत गोदावरी इंग्लिश स्कूल विजयी तर विद्या इंग्लिश स्कूल उपविजेते ठरले, तर १७ वर्षे मुलांच्या गटात गोदावरी स्कूल विजयी तर अँग्लो उर्दू हायस्कूल उपविजय ठरले, आणि १७ वर्षा आतील मुलींच्या गटात जी.डी. बेंडाळे महाविद्यालय विजयी तर गोदावरी इंग्लिश स्कूल उपविजे ठरले.
याप्रसंगी महाराष्ट्र राज्याच्या बेटी बचाव बेटी पढावच्या माजी समन्वयक प्राध्यापिका डॉ. अस्मिता पाटील, जिल्हा क्रीडा अधिकारी मिलिंद दीक्षित, डॉ. अनिता कोल्हे, हॉकी जळगावचे प्रमुख फारुख शेख, क्रीडा मार्गदर्शक अरविंद खांडेकर, स्पर्धेचे क्रीडा समन्वय सय्यद लियाकत अली, गोदावरीचे क्रीडा संचालक आसिफ खान, अँग्लोचे वसीम मिर्झा, बेंडाळे महाविद्यालयाच्या प्राध्यापिका छाया चिरमाडे आदींची उपस्थिती होती. स्पर्धेत पंच म्हणून लियाकत अली, शादाब सय्यद, मुझफ्फर शेख, इम्रान शेख, चेतन माळी, धीरज जाधव, दिनेश ओडिया, इद्रिस शेख, दिवेष चौधरी यांनी काम पाहिले.
