शिवसेनेत एकनाथ शिंदे यांनी बंडखोरी केल्यानंतर सेनेत मोठी फूट पडली आहे. शिवसेनेचा 39 आमदार शिंदे गटात डदाखल झाले आहेत. काही माजी आमदारासह खासदार ही शिंदे गटात दाखल होत आहेत. आता शिवसेनेनंतर मनसे अध्यक्ष राज ठाकरे यांच्या मनसेला खिंडार पाडले आहे. हा मनसेसाठी मोठा हादरा मानला जात आहे.
शिंदे गटाने पनवेलमध्ये मनसेला खिंडार पाडल्याचे दिसून येत आहे. पनवेल, उरणमधील मनसेच्या 100 पदाधिकाऱ्यांनी एकनाथ शिंदे गटात प्रवेश केला. मुंबईतील मलबार हिल येथील नंदनवन बंगल्यात रात्री उशिरा मुख्यमंत्रीच्या उपस्थितीत मनसेच्या कार्यकर्त्यांनी शिंदे गटात प्रवेश केला.पनवेल, उरण,खारघरमध्ये मनसेला खिंडार पडले आहे. माजी जिल्हाध्यक्षांसह 65 जणांनी शिंदे गटात प्रवेश केला आहे.
मनसेचे माजी रायगड जिल्हा अध्यक्ष अतुल भगत, माजी खारघर शहर प्रमुख प्रसाद परब एकनाथ शिंदे गटात दाखल झाले आहे. उरण आणि पनवेलमधील मनसे खारघरची पूर्ण टीम शिंदे गटात दाखल झाल्याची माहिती समोर आली आहे. त्यामुळे शिंदे गटात जोरदार इनकमिंग सुरु झाली आहे. मनसे नेत्यांचा शिंदे गटाला पाठिंबा असल्याचे समोर आले. तर मनसेचे अध्यक्ष राज ठाकरे यांनी शिंदे गटाला पाठिंबा देणार का याकडे सर्वांचे लक्ष लागले आहे.
