राज्याचे विरोधी पक्षनेते अजित पवार हे सध्या नांदेड जिल्ह्यातील दौऱ्यावर आहेत. यावेळी ते शेतकऱ्यांच्या भेटीगाठी घेतलीयावेळी एका आजीबाईंनी तक्रार मांडताच अजित पवारांनी कपाळावर हात मारला आहे. आता हा किस्सा आहे तरी काय?
नांदेड जिल्ह्यात अतिवृष्टी मुळे झालेल्या पिकांच्या नुकसानीची पाहणी अजित पवार करत होते. अजित पवार नांदेड जिल्ह्यातील दौऱ्यावर आले असता एका आजीबाईंनी पंतप्रधान आवास योजनेत जिवंत व्यक्तीला मयत दाखवल्याची तक्रार केली. कारोडी गावातील एका आजीबाईनीं प्रधानमंत्री आवास योजनेत त्यांचे पती जिवंत असताना मयत दाखवल्याची तक्रार अजित पवारांकडे केली. ते ऐकताच अजितदादांनी कपाळावर हात मारला आणि आश्चर्य व्यक्त केलं.
यावर अजित पवारांनी उपस्थितीत अधिकाऱ्यांना याबाबत विचारणा केली व समस्या सोडवण्याची सूचना केली. तसेच शाळेच्या दुरावस्थेबाबतही विद्यार्थ्यांनी थेट तक्रार केली.नांदेड जिल्ह्यातील करमोडी गावातील जिल्हा परिषद शाळेच्या इमारतीला गळती लागली आहे. तसेच शाळेत शौचालय आणि बसायला बाक नसल्याचे सांगितले. नंतर जिल्हाधिकारी यांच्याशी याबाबतीत बोलून तुमच्या शाळेची समस्या सोडवतो असे आश्वासन चिमुकल्याना अजित पवार यांनी दिले.
