पुणे शहरात गेली अनेक दिवसांपासून गुन्हेगारीचे प्रमाण वाढले आहे. हत्येचे प्रमाण देखील वाढल्याचे समोर आले, असाच पुण्यात एका हाणामारीच्या घटनेने मोठी खळबळ उडाली आहे.
येरवड्यात दोन गटात फ्री स्टाईल हाणामारी पाहायला मिळाली. याचा एक व्हिडिओ सोशल मीडियावर व्हायरल होत आहे.
येरवडा येथील शिवराज चौक रस्त्यावर दोन गटात फ्री स्टाईल हाणामारी झाली.हातात काठ्या घेऊन एकमेकांना हाण्यात आले. भर रस्त्यातील फ्री स्टाईल हाणामारी प्रकार घडला असून घटनेचा व्हिडीओ सर्वत्र व्हायरल होत आहे. येरवड्यातील दृश्य पाहून हे पंजाब असल्याचे वाटत होते. या प्रकाराणे येरवडा पोलीस ठाण्यात जीवे मारण्याचा प्रयत्न केल्याचा गुन्हा दाखल झाला आहे.
येरवड्यात भर रस्त्यात गुन्हेगारांचा लाठी आणि काठ्यांचा नंगानांच सुरु असताना पोलिसांचा गुन्हेगारावर वचक नसल्याचे नागरिक बोलत आहेत. मुक्तार सिंग भादा यांच्यासह इतर गंभीर जखमी झाले आहेत. जागेच्या वादातून हा प्रकार घडला आहे. मारामारी करणारे सराईत गुन्हेगार असल्याची माहिती समोर येत आहे. पुढे कोणताही विचीत्र प्रकार घडू नये या करता येरवडा पोलिसांनी कायदा आणि सुव्यवस्था राखण्यासाठी देखील काम करावे, अशी संतप्त प्रतिक्रिया नागरिकांतून व्यक्त होत आहे.
