Live Maharashtra news: पुणे जिल्ह्यातील इंदापूर येथील कडबनवाडी गावात कार्व्हर एव्हिएशनचे विमान एका शेतात कोसळले. प्रशिक्षणार्थी पायलट हे विमान चालवत असताना शेतात कोसळल्याने हा अपघात झाला.
इंदापूर येथील कडबनवाडी गावात 22 वर्षीय प्रशिक्षणार्थी पायलटच्या विमानाचा अपघात झाला आहे. आज सकाळी 11.30 च्या सुमारास अपघातात घडला भाविका राठोड असे जखमी विद्यार्थ्यांनीचे नाव आहे. या अपघातात पायलट भाविका राठोड किरकोळ जखमी झाल्या आहेत. बारामतीत कार्व्हर एव्हिएशनच्या माध्यमातून वैमानिकांना प्रशिक्षण दिले होते.
बारामती येथून सकाळी विमानाने कार्व्हर एव्हिएशन उड्डाण केले आणि काही वेळाने अपघात झाला. इंधन संपल्याने विमान क्रॅश झाले. आत्तापर्यंत याबाबत पुष्टी झालेली नाही. अपघातानंतर महिला पायलट स्वतः कॉकपिटमधून बाहेर पडली. महिला वैमानिकावर इंदापूर तालुक्यातील शेलगाव येथील खासगी रुग्णालयात उपचार सुरू आहेत. कार्व्हर एव्हिएशनचे अधिकारी घटनास्थळी पोहोचले आहेत, तर पोलिसांनी घटनास्थळी करून तपास करत आहे.
