लाईव्ह महाराष्ट्र न्यूज: आपल्या आयुष्यातील आईचं महत्त्व शब्दांमध्ये कधीच व्यक्त करता येणार नाही. आज महाराष्ट्रातील भाजपचे बडे नेते, प्रदेशाध्यक्ष चंद्रकांत पाटील यांच्यावर दु:खाचा डोंगर कोसळला आहे. चंद्रकांत पाटील यांच्या आईचं आज निधन झालं आहे. कोल्हापूर येथील निवासस्थानी वृद्धावपकाळाने पाटील यांच्या मातोश्री सरस्वती बच्चू पाटील यांचे आज निधन झाल्याची माहिती समोर आली आहे.
सरस्वती पाटील यांनी वयाच्या 91 वर्षी अखेरचा श्वास घेतला. त्यांच्या निधनापश्चात 1 मुलगा, सून, 2 मुली असा परिवार आहे. अत्यंत प्रतिकूल परिस्थितीत चंद्रकांत पाटील यांच्या आईंनी सर्व संस्कार केला या संस्कारांच्या शिदोरीवरच पाटील आणि त्यांचे सर्व कुटुंब आयुष्यभर वाटचाल करत आहेत. सरस्वती यांच्या निधनाची बातमी समजल्यानंतर राज्यातील अनेक दिग्गज नेत्यांनी चंद्रकांत पाटील यांच्या दु:खात सहभागी असल्याचं म्हटलं आहे. अनेकांनी सरस्वती माईंना श्रद्धांजली अर्पण केली आहे.
सरस्वती पाटील यांचं संभाजीनगर इथं राहत्या घरी निधन झालं. त्यांच्या पार्थिवारवर आज रात्री आठ वाजता पंचगंगा स्मशानभूमीत अंत्यसंस्कार होणार असल्यची माहिती मिळत आहे.
