पिंप्री ता. धरणगाव प्रतिनिधी । धरणगाव तालुक्यातील पिंप्री येथील ग्रामपंचायत कार्यालय बांधण्यात आले आहे. हे काम केलेल्या निविदाप्रमाणे करण्यात आलेली नसून घोळ करण्यात आल्याची तक्रार नितीन धनगर याने सार्वजनिक बांधकाम विभागाकडे केली आहे.
धरणगाव तालुक्यातील पिंप्री येथील ग्रामपंचायतीच्या बांधकामासाठी सार्वजनिक बांधकाम विभागाच्या वतीने २० लाखाचा निधी मंजूर करण्यात आला. निवीदा काढून बांधकामाला सुरूवात देखील झाली आहे. दरम्यान निविदाप्रमाणे ग्रामपंचायत इमारतीचे बांधकाम करण्यात आलेले नाही. याबाबत शहरातील नितीन राजेंद्र धनगर या तरूणाने जळगाव येथील सार्वजनिक बांधकाम विभागाला तक्रार दाखल करण्यात आलेली आहे. तक्रार देवून एक महिना होवूनही कुठल्याही तक्रारीची दखल घेतली नाही असा आरोपही नितीन धनगर या तरूणाने लाईव्ह महाराष्ट्र न्यूजशी बोलतांना केली आहे.
