जळगाव प्रतिनिधी : जळगाव शहरातील गेंदलाल मिल परिसरात असलेल्या मोकळ्या जागेवर एका 25 वर्षीय तरुणाचा चाकूने भोसकून खून केल्याचा धक्कादायक प्रकार दुपारी ३ वाजेच्या सुमारास उघडकीला आला आहे. या घटनेत पोलिसांनी तीन संशयित आरोपींना अटक केली आहे.
रहीम शहा उर्फ रमा मोहम्मद शहा (वय-25) रा. गेंदालाल मिल भोंग्याजवळ जळगाव असे मृत तरुणाचे नाव आहे.
पोलिसांनी दिलेल्या माहितीनुसार, रहीम शहा उर्फ रमा हा काही त्याच्या तीन मित्रांसोबत शाहूनगर येथील गेंदालाल मेलच्या भोंग्याजवळ एका रेल्वे पाठीच्या बाजूला झाडाखाली बसलेले होते. अज्ञात कारणाहून या ३ जणांनी त्यांच्या पोटाला चाकूने भोसकून खून केल्याचा धक्कादायक प्रकार ३ वाजेचा सुमारास उघडकीला आला आहे. या घटनेची माहिती मिळाल्यानंतर शहर पोलीस ठाण्याचे पोलीस निरीक्षक विजय ठाकूरवाड यांच्यासह पोलीस अधिकारी कर्मचारी यांनी घटनास्थळी धाव घेऊन माहिती घेतली या अनुषंगाने पोलिसांनी पुढील तपास करून तीन संशयित आरोपींना ताब्यात केली आहे.
