जळगाव : प्रतिनिधी
गाडीला कट लागल्याच्या कारणावरुन मयुर रामसिंग दहीयेकर (वय २५, रा. कंजरवाडा) या बँक सेल्स ऑफिसरला दोघांनी हातातील कड्याने मारहाण करीत जखमी केले. ही घटना दि. १३ मार्च रोजी रात्री सव्वानऊ वाजेच्या सुमारास गेंदालाल मिल परिसरातील दर्गाजवळ घडली. याप्रकरणी दोघांविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील महिंद्रा कोटक बँकेत सेल्स ऑफिसर असलेले मयुर दहियेकर हे दि. १३ मार्च रोजी रात्री गेंदालाल मिल परिसरातील दर्गा परिसरातून जात होते यावेळी दुचाकीचा कट लागल्याच्या कारणावरुन संशयित तिघांनी त्यांना मारहाण करण्यास सुरुवात केली. या मारहाणीत हातातील कड्याने त्यांच्या तोंडावर बुक्का मारुन गंभीर जखमी केले. तसेच सेल्स ऑफिसर सोबत असलेल्या सहकारी मैत्रीणीला देखील मारहाण करण्यात आली असून ती जखमी झाली आहे. दरम्यान, दि. १४ मार्च रोजी शहर पोलिसात तक्रार दिली. त्यानुसार तिघांविरुद्ध गुन्हा दाखल करण्यात आला आहे. तपास पोहेकॉ प्रदीप पाटील हे करीत आहे.
