ओळख पटविण्याचे रामानंदनगर पोलिसांचे आवाहन
लाईव्ह महाराष्ट्र न्यूज: जळगाव प्रतिनिधी | जळगाव जिल्हा रुग्णालयात दाखल असलेल्या अनोळखी महिलेचा आज सकाळी मृत्यू झाल्याची घटना घडली आहे. याबाबत रामानंदनगर पोलीस ठाण्यात अकस्मात मृत्यूची नोंद करण्यात आली आहे.
रामानंदनगर पोलिसांनी दिलेल्या माहितीनुसार, १७ जूनला रोजी भुसावळ तालुक्यातील दिपनगर येथे अनोळखी महिला बेवारसरीत्या पडलेल्या स्थितीत आढळून आली होती. त्यामुळे महिलेला शासकीय रुग्णालयातून जळगाव जिल्हा रुग्णालयात उपचारात दाखल करण्यात आले होते. दरम्यान शनिवारी १६ जुलै रोजी सकाळी ६ वाजता तिचा उपचारादरम्यान मृत्यू झाला. याबाबत रामानंदनगर पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक विजय खैरे, पोलीस कॉन्स्टेबल अजय सपकाळे हे करीत आहे. दरम्यान मयत झालेल्या महिलेच्या नातेवाईकांनी ओळख पाठवावी, असे आवाहन देखील रामानंदनगर पोलीस ठाण्याचे पोलीस कर्मचारी यांनी केलेले आहे.
