लाईव्ह महाराष्ट्र न्यूज: एकनाथ शिंदे यांच्यासह शिवसेनेतील जवळपास 40 आमदार आणि अपक्ष 10 आमदारांनी बंडखोरी केल्यानंतर राज्यातील महाविकास आघाडी सरकार कोसळलं. शिंदे-फडणवीस सरकार स्थापन झालं आहे. परंतु उद्धव ठाकरेना अनेक अडचणी सहन करावे लागत आहे. ठाण्यातील शिवसेनेचे आणखी 5 नगरसेवक एकनाथ शिंदे गटात दाखल झाले आहेत.
ठाकरे सरकारसाठी पुन्हा एकदा तणावाचं वातावरण निर्माण झाले. ठाण्यात शिवसेनेतील 5 नगरसेवक गोपाळ लांडगेंची शिंदे गटाला साथ देणार आहे. नंदनवन येथे मुख्यमंत्र्यांच्या उपस्थितीत या नगरसेवकांनी एकनाथ शिंदे गटात प्रवेश केला. विजय चौगुले यांच्या नेतृत्वाखाली हा प्रवेश केला गेला. यापूर्वी 28 नगरसेवक एकनाथ शिंदें गटात सहभागी झाले. ऐरोलीसह आता बेलापूर मतदारसंघालाही खिंडार पडलं आहे. रामदास पवळे, रंगनाथ औटी, काशिनाथ पवार , रामचंद्र पाटील, ज्ञानेश्वर सुतार हे एकनाथ शिंदे गटात सहभागी झाले आहेत.
शिवसेनेचे कल्याण जिल्हाध्यक्ष गोपाळ लांडगे यांनी आपल्या पदाचा राजीनामा दिला तर दुसरीकडे शिंदे गटासोबत हातमिळवणी केली आहे. शिवसेनेसाठी हा खूप मोठा झटका असणार आहे. कल्याण डोंबिवलीचे माजी नगरसेवक राजेश मोरे, माजी नगरसेवक विशाल पावशे, माजी नगरसेवक प्रशांत काळे यांनी देखील यापूर्वीच मुख्यमंत्री शिंदे यांना आपला पाठींबा दर्शवला आहे.
