प्रतिनिधी प्रविण पाटील: जळगाव तालुक्यातील वाकडी येथील पंधरा वर्षीय अल्पवयीन मुलीने गळफास घेवून आत्महत्या केल्याची घटना गुरूवारी १४ जुलै रोजी दुपारी ३ वाजेच्या सुमारास समोर आली आहे. आत्महत्या करण्याचे कारण अद्याप समजू शकले नाही. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
प्रियंका विठ्ठल बाविस्कर (वय-१५) रा. वाकडी ता.जि.जळगाव असे मृत झालेल्या मुलीचे नाव आहे.
याबाबत अधिक माहिती अशी की, प्रियंका बाविस्कर ही आपले वडील, तीन बहिणी आणि लहान भावासोबत वास्तव्याला आहे. तिचे वडील शेतात हातमजूरी करून आपला उदरनिर्वाह करतात. गुरूवार १४ जुलै रोजी सकाळी तिचे वडील शेतात कामाला निघून गेले होते. दुपारी ३ वाजेच्या सुमारास प्रियंका घरात एकटी असतांना तिने राहत्या घरात गळफास घेवून आत्महत्या केली. आत्महत्या करण्याचे कारण समजू शकले नाही. शेजारीच्या घरात प्रियंकाच्या आत्याचा हा प्रकार लक्षात आल्याने हा प्रकार उघडकीला आली. तिला तातडीने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. एमआयडीसी पोलीस ठाण्यात अकस्मात मृत्यूची नोंद करण्यात आली आहे. शवविच्छेदन करून मृतदेह नातेवाईकांच्या ताब्यात देण्यात आला आहे. मयत प्रियंकाच्या पश्चात वडील, तीन बहिणी आणि लहान भाऊ असा परिवार आहे.
