गिरणा नदीच्या पाणलोट क्षेत्रात जोरदार पाऊस झाल्यामुळे गिरणा धरणाचे दरवाजे देखील उघडण्यात येणार आहे. त्यामुळे नदीकाठच्या गावांना सतर्कतेचा इशारा गिरणा पाटबंधारे विभागाच्या वतीने गुरूवारी १४ जुलै रोजी दुपारी १ वाजता देण्यात आला आहे.
जिल्हा प्रशासनाने दिलेल्या इशार्‍यात म्हटले आहे की, गिरणा धरणात दुपार पर्यंत ८० टक्के जिवंत साठा होणार आहे. तसेच वरून येणारा पुर पाण्याची आवक पाहता व धरण सुरक्षिततेचा आढावा घेऊन गुरूवार १४ जुलै रोजी दुपार गिरणा धरणातून जास्तीचे पुराचे पाणी खाली नदीपात्रात सोडण्यात येणार आहे. यामुळे नदी काठावरील नागरिकांनी सावध रहावे, कोणतीही जीवित व वित्त हानी होणार नाही याची काळजी घ्यावी असा इशारा येत दिलेला आहे.
दरम्यान, पुराचा प्रवाह हा पाणलोट क्षेत्रातून येणार्‍या येवा प्रमाणे कमी जास्त करण्यात येईल. साधारणतः धरणातून करण्यात येणारा विसर्ग हा सुरवातीला २० हजार क्यूसेक इतका राहील व तदनंतर पाणलोट क्षेत्रातून येणार्‍या येवानुसार विसर्ग १ लाख क्यूसेक पर्यंत जाण्याची शक्यता आहे, तो येणार्‍या येवानुसार वेळो वेळी कमी जास्त होऊ शकतो ,तरी सर्वांनी खबरदारी घ्यावी ही असे आवाहन कार्यकारी अभियंता, गिरणा पाटबंधारे विभाग व जिल्हा प्रशासन जळगाव यांनी केले आहे.
