पद्मश्री जाहीर: महाराष्ट्राच्या भूमीतील कर्तृत्वाचा राष्ट्रीय सन्मान

नवी दिल्ली : वृत्तसंस्था

प्रजासत्ताक दिनाच्या पूर्वसंध्येला केंद्र सरकारने २०२६ सालासाठीच्या प्रतिष्ठित पद्म पुरस्कारांची घोषणा केली असून यंदा देशभरातील ४५ मान्यवरांना विविध पद्म पुरस्कारांनी सन्मानित करण्यात येणार आहे. या यादीत महाराष्ट्राच्या शिरपेचात मानाचा तुरा रोवणाऱ्या विविध क्षेत्रांतील दिग्गजांचा समावेश आहे.

राज्याच्या मातीतील लोककला जिवंत ठेवणारे लोकनाट्य तमाशा महर्षी रघुवीर खेडकर, वैद्यकीय क्षेत्रात निःस्वार्थ सेवा बजावणाऱ्या डॉ. अर्मिडा फर्नांडिस, कापूस संशोधनात क्रांती घडवणारे परभणीचे शेतकरी संशोधक श्रीरंग लाड तसेच पारंपरिक वाद्यसंस्कृती जपणारे तारपावादक भिकल्या लाडक्या धिंडा यांना यंदाचा ‘पद्मश्री’ पुरस्कार जाहीर झाला आहे.

देशातील सर्वोच्च नागरी सन्मानांमध्ये गणल्या जाणाऱ्या पद्म पुरस्कारांत पद्मविभूषण, पद्मभूषण आणि पद्मश्री अशा तीन श्रेणींचा समावेश आहे. कला, समाजसेवा, विज्ञान, अभियांत्रिकी, उद्योग, व्यवसाय, वैद्यक, साहित्य, शिक्षण, क्रीडा व नागरी सेवा अशा विविध क्षेत्रांतील उल्लेखनीय योगदानासाठी हे पुरस्कार दिले जातात.

महाराष्ट्रातील या मान्यवरांच्या कार्यामुळे राज्याची ओळख राष्ट्रीय पातळीवर अधिक भक्कम झाली असून त्यांच्या या सन्मानामुळे समाजातील विविध क्षेत्रांतील कार्यकर्त्यांना नवी प्रेरणा मिळणार आहे.

पद्म पुरस्काराने सन्मानित नावे