जळगावातील खोटे नगरजवळील घटना; रामानंदनगर पोलीस ठाण्यात गुन्हा दाखल
जळगाव प्रतिनिधी । जुनी दुचाकी घेण्यासाठी जळगावात आलेल्या तरूणाच्या खिशातून ५५ हजार रूपयांची रोकड रिक्षातून चोरून नेल्याची घटना समोर आली आहे. याप्रकरणी रामानंदनगर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, रूपेश रमेश भाटीया (वय-३२) रा. भाटीया गल्ली धरणगाव हा तरूण आपल्या कुटुंबियांसह वास्तव्याला आहे. आगरबत्ती विक्री व्यवसाय करून आपला उदरनिर्वाह करतो. व्यवसाय करण्यासाठी त्याला जुनी दुचाकी घेण्यासाठी २८ मे रोजी जळगावात आला होता. त्यावेळी रूपेशने ५५ हजार रूपये सोबत आणलेले होते. जळगावात आल्यानंतर त्याचा मित्र मनोज वाणी याला भेटून गणेश कॉलनीतील ख्वॉजामियॉ येथे त्याला जुन्या दुचाकी पसंत पडल्या नाहीत. दोघेजण दुचाकीने आकाशवाणी चौकात आले. धरणगाव जाण्यासाठी रूपेश रिक्षात बसला. खोटेनगर पर्यंत रिक्षात जात असतांना त्याचा मित्रांच्या सांगण्यावरून रूपेश खाली उतरला. व रिक्षा निघून गेली. त्यानंतर खिश्यातील पैसे चोरीला गेल्याचे लक्षात आले. दोघांनी धरणगावपर्यंत शोध घेतला परंतू कुठेही मिळून आले नही. कामात व्यस्त असल्याने त्त्यांनी पोलीसात तक्रार दिली नाही. दरम्यान, ९ जुलै रोजी त्यांनी एका न्यूज पोर्टलवर स्थानिक गुन्हे शाखेच्या पथकाने रिक्षात चोरी करणाऱ्यांना पकडले ही प्रसारीत केलेली बातमी वाचली. बातमीत दिलेले आरोपीचे फोटो पाहिल्यावर रूपेशच्या लक्षात आले की, याच रिक्षा चालकाने त्याच्या खिश्यातून पैसे लांबविल्याचे समोर आले दिसून आले. रामानंदनगर पोलीस ठाण्यात गुन्हा दाखल करण्यात आला आहे. पुढील तपास पोलीस नाईक रेवानंद साळुंखे करीत आहे.
