धरणगाव : प्रतिनिधी
प.रा .हायस्कूल सोसायटीचे कला वाणिज्य आणि विज्ञान महाविद्यालय धरणगावच्या राष्ट्रीय सेवा योजना विभागातर्फे दिनांक 25 डिसेंबर 2025 ते 31डिसेंबर 2025 या सात दिवसीय शिबिराचे दत्तक गाव अनोरे या ठिकाणी हिवाळी श्रमसंस्कार शिबिराचे उद्घाटन आज दिनांक 25 डिसेंबर 2025 रोजी करण्यात आले.
या शिबिरांतर्गत रोज स्वयंसेवकांच्या माध्यमातून गावातील विविध कामे रोसयो स्वयंसेवक राबविणार आहेत या कार्यक्रमाचे अध्यक्ष म्हणून कला वाणिज्य आणि विज्ञान महाविद्यालय धरणगाव चे प्राचार्य डॉ. उदय जगताप हे लाभले तर उद्घाटक म्हणून बी जे महाजन विद्यालय अनोरे शाळेचे चेअरमन श्री रमेश खंडू महाजन हे होते तर प्रमुख पाहुणे म्हणून अनोरे गावचे सरपंच श्री स्वप्निल महाजन , सिनेट सदस्य डॉ.कांचन महाजन, जे बी पाटील, बी जे महाजन विद्यालयाचे मुख्याध्यापक श्री आर बी महाले आदींची उपस्थिती होती श्री रमेश खंडू महाजन यांनी आपले मनोगत व्यक्त करताना त्यांच्या काळातील शिक्षक आणि विद्यार्थी व आजच्या काळातील शिक्षक आणि विद्यार्थी यांच्यातील नात्यांचा उहापोह केला व विद्यार्थ्यांनी शिक्षकांचा सन्मान राखला पाहिजे असे मत व्यक्त केले . डॉ कांचन महाजन यांनी रोसयो चे महत्त्व विद्यार्थ्यांना सांगितले.
तर अध्यक्षीय भाषणात डॉ उदय जगताप यांनी विद्यार्थ्यांना गुरुचा सन्मान राखला पाहिजे शिस्तीचे पालन केले पाहिजे व नवनवीन शिकण्यासाठी नेहमी तयार असावे असे मार्गदर्शन केले या शिबीराच्या यशस्वीतेसाठी संस्थेचे अध्यक्ष डॉ अरूण कुलकर्णी , उपाध्यक्ष श्री वसंतराव गालापुरे, सचिव डॉ मिलंदजी डहाळे, संचालक श्री अजयशेठजी पगारिया, संचालिका सौ निनाताई पाटील यांनी शुभेच्छा दिल्या.
या कार्यक्रमाचे प्रास्ताविक एन एस एस कार्यक्रम अधिकारी डॉ श्रीपाद उपासनी यांनी केले तर सूत्रसंचालन एन एस एस महीला कार्यक्रम अधिकारी डॉ ज्योती महाजन यांनी केले. आभार सहाय्यक कार्यक्रम अधिकारी डॉ विश्वजित वळवी यांनी केले. या शिबीराच्या यशस्वीतेसाठी सर्व स्वयंसेवक व दुर्गेश भय्या यांचे सहकार्य लाभले.
