सावदा स्टेशन प्रबंधकाला अटक; भुसावळ पोलीस ठाण्यात गुन्हा दाखल
भुसावळ प्रतिनिधी । लग्नाचे आमीष दाखल तरूणीवर वारंवार अत्याचार केल्याचा धक्कादायक प्रकार समोर आला आहे. याबाबत सावदा स्टेशन प्रबंधकावर गुन्हा दाखल करण्यात आला असून त्याला अटक करण्यात आली आहे.
भुसावळ पोलीसांच्या सुत्रांकडून मिळालेली माहिती अशी की, शहरातील एका भागात २८ वर्षीय तरूणी आपल्या कुटुंबीयांसह वास्तव्याला आहे. ती खासगी नोकरीला आहे. ४ डिसेंबर २०१७ रोजी तिच्या नातेवाईकांच्या लग्नात आली असता तिची ओळख सावदा रेल्वे स्टेशनच्या स्टेशन प्रबंधकपदी नोकरीला असलेला अंकुश किरण मोरे (वय 34 रा. भुसावळ) याच्याशी झाली. त्यावेळी अंकुशने तारुणीकडून मोबाईल नंबर घेऊन संपर्क साधला. मध्यंतरी ३१ मार्च २०१८ रोजी तरुणीला भेटून रेल्वेत नोकरी लावून देण्याचे आमिष दाखवत वेगवेगळ्या ठिकाणी नेऊन तिच्यावर अत्याचार केला. त्यानंतर तरुणीने लग्नाची मागणी केली असता त्याने बोलण्यास टाळाटाळ केली.याप्रकरणी तरूणीने भुसावळ शहर पोलीस ठाण्यात धाव घेवून तक्रार दिली. तिच्या तक्रारीवरून भुसावळ शहर पोलीस ठाण्यात गुन्हा दाखल करण्यात आला असून अंकुश मोरे याला अटक करण्यात आली आहे.
