जळगाव : प्रतिनिधी
घटस्फोटाचे प्रकरण न्यायालयात न्यायप्रविष्ट असतांना घटस्फोटाचे बनावट दस्ताऐवज दाखवित पतीने दुसरे केल्याचा धक्कादायक प्रकार उघडकीस आला आहे. या प्रकरणी पहिल्या पत्न ीच्या फिर्यादीवरून पती स्वप्नील अरुण चौधरी, त्याची दुसरी पत्नी राजश्री रोहिदास कोळी उर्फ राजश्री स्वप्नील चौधरी हिच्यासह नऊ जणांविरुद्ध रामानंद नगर पोलिस ठाण्यात गुन्हा दाखल करण्यात आला आहे.
सविस्तर वृत्त असे कि, शहरातील शिवकॉलनीत राहणाऱ्या वैशाली स्वप्निल चौधरी (वय ३७) यांचा दि. १८ मे २०१३ रोजी धुळे येथील स्वप्नील अरुण चौधरी यांचे लग्न झाले. नंतर न्यायालयात घटस्फोटासंदर्भात दावा दाखल केलेला आहे. या दाव्याच्या कामकाजासाठी वैशाली चौधरी या न्यायालयात आल्या त्या वेळी त्यांची ओळख कविता किरण सपकाळे यांच्याशी झाली. कविता यांनी त्यांची बहीण राजश्री कोळी हिचे स्वप्नील चौधरीसोबत दि. २० मे २०२४ रोजी लग्न झाल्याचे वैशाली यांना सांगितले. पतीचे दुसरे लग्न झाल्याचे समजताच वैशाली यांनी राजश्रीच्या वडिलांशी संपर्क साधून माहिती घेतली. त्या वेळी त्यांना समजले की, राजश्रीचा पहिल्या पतीपासून घटस्फोट झाला असून तिला स्वप्नील चौधरीशी लग्न करायचे असल्याचे तिने वडिलांना सांगितले होते.
विवाहितेचा पहिला पती स्वप्नील, राजश्री व तिच्या कार्यालयात काम करणारे राजेश पाटील यांनी स्वप्नीलचा घटस्फोट झाल्याचे कागदपत्रे दाखविले. त्यामुळे हे लग्न लावून दिले, असे वैशाली यांना सांगण्यात आले. या प्रकरणी वैशाली चौधरी यांनी १५ डिसेंबर रोजी रामानंद नगर पोलिस ठाण्यात फिर्याद दिली.
