मुंबई वृत्तसेवा । माजी मंत्री तथा आमदार एकनाथराव खडसे यांनी बुधवारी सकाळी राज्यपाल भगतसिंह कोश्यारी यांची राजभवनात सदिच्छा भेट घेतली.
विधान परिषदेच्या नुकत्याच पार पडलेल्या निवडणुकीमध्ये राष्ट्रवादी काँग्रेसकडून माजी मंत्री एकनाथराव खडसे यांनी विजयी झाले आहेत आमदारकीचा शपथविधी झाल्यानंतर त्यांना मंत्रिपद मिळण्याची अपेक्षा होती. मात्र मध्येच राज्यात सत्तांतर झाल्यामुळे तूर्तास त्यांना मंत्रिपद मिळणार नसल्याचे स्पष्ट झाले आहे. यानंतर एकनाथराव खडसे यांनी दिलेल्या प्रतिक्रियेमध्ये राज्यातील स्थापन झालेले सरकार हे अल्पजीवी ठरणार असल्याचा दावा केला होता. राज्यात लवकरच मध्यवादी निवडणुका लागू शकतात असे देखील ते म्हणाले होते.
