जळगाव : प्रतिनिधी
पिंप्राळा परिसरातील सुतारवाडा भागात बंद घर टार्गेट करून, अज्ञात चोरट्यांनी घरफोडी करून सोन्याचे दागिने आणि रोख रकमेसह एकूण ६३ हजार रुपयांचा ऐवज चोरून नेल्याची घटना शनिवार २९ नोव्हेंबर रोजी उघडकीस आली आहे. या प्रकरणी रामानंदनगर पोलिस स्टेशनमध्ये गुन्हा दाखल करण्यात आला आहे.
मिळालेल्या माहितीनुसार, पिंप्राळा येथील रहिवासी प्रमिलाबाई साहेबराव चौधरी (वय ६५) या आपल्या मुलीकडे सोनगीर येथे गेल्यामुळे त्यांचे घर बंद होते. त्यामुळे चोरट्यांनी कडी कोयंडा तोडत घरातून सोन्याचे दागिने आणि ८ हजार रुपये रोख रक्कम, असा एकूण ६३ हजार रुपयांचा मुद्देमाल चोरट्यांनी लंपास केला. घर उघडलेले दिसल्याने, शेजाऱ्यांनी या घटनेची माहिती प्रमिला चौधरी यांना दिली. या प्रकरणी प्रमिला चौधरी यांनी दिलेल्या फिर्यादीवरून रामानंद नगर पोलिस स्टेशनमध्ये अज्ञात चोरट्यांविरुद्ध घरफोडीचा गुन्हा दाखल आहे.
