लाईव्ह महाराष्ट्र न्यूज: राज्यात सत्तांतर झाल्यानंतर सगळ्यांचे लक्ष नव्या सरकारच्या मंत्रिमंडळ विस्तारावर लागले आहे.
गेल्या काही दिवसापूर्वी एकनाथ शिंदे यांनी मुख्यमंत्री पदाची शपथ घेतली होती. तर देवेंद्र फडणवीस यांनी उपमुख्यमंत्र्यांनी शपथ घेतली होती. तर नव्या सरकारच्या मंत्र्यांचा शपथविधी कार्यक्रम 12 किंवा 13 जुलै रोजी होण्याची शक्यता आहे.
शिवसेनेचे निष्ठावंत समजले जाणारे एकनाथ शिंदे यांनी पक्षाविरोधात बंड पुकारले. मुख्यमंत्रीपदाची शपथ घेतल्यानंतर मंत्रिमंडळाच्या विस्तारासाठी भाजप व शिंदे गटाकडून प्रयत्न केले जात असून दोन दिवसात खाते वाटपावर चर्चाही केली जाणार आहे. काही दिवसानंतर विधीमंडळाचे अधिवेशन होणार आहे. त्यामुळे या अधिवेशनाच्या आधीच नवीन मंत्री आपला पदभार स्वीकारण्याची शक्यता आहे.
११ जुलै रोजी सर्वोच्च न्यायालयातील सुनावणी आणि त्यानंतर १८ जुलैपासून पावसाळी अधिवेशन होणार आहे.एकनाथ शिंदे यांच्यासह तब्बल ५० आमदारांनी शिवसेनेत आजवरची सर्वात मोठी बंडखोरी केल्यामुळे महाविकास आघाडी सरकार कोसळले.सर्वोच्च न्यायालयाने राज्यपालांचा आदेश कामय ठेवत बहुमत चाचणी घेण्यास सांगितल्यानंतर मुख्यमंत्री उद्धव ठाकरे यांनी राजीनामा दिला
