जळगाव : प्रतिनिधी
भाऊ कामावर व आई बाहेर गेलेली असताना पल्लवी सुभाष सपकाळे (वय ३२, रा. खोटेनगर) या उच्चशिक्षित तरुणीने गळफास घेऊन आत्महत्या केली. ही घटना सोमवारी (२४ नोव्हेंबर) दुपारी एकच्या सुमारास उघडकीस आली. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
पल्लवी सपकाळे ही तरुणी आई व भावासह खोटेनगर परिसरात राहत होती. तिचा भाऊ रेल्वेमध्ये नोकरीला असून, तो कामावर व आई बाहेर गेलेली असताना तरुणीने राहत्या घरात गळफास घेतला. आई घरी आली त्यावेळी तिला मुलगी गळफास घेतलेल्या अवस्थेत दिसली.
