शिवसेनेतील चार कोंबड्यांना बाजूला करा, मग बघ शिवसेना कशी वाढते ! – आ. गुलाबराव पाटील
मुंबई प्रतिनिधी । शिंदे गटातील शिवेसेनेचे बंडखोन नेते गुलाबराव पाटील यांनी अदित्य ठाकरे आणि शिवसेना नेते संजय राऊत यांनी केलेल्या प्रतित्युत्तर विधानसभेत दिले. यावेळी शायरीतून तर कधी आक्रमक होवून शिवसेनेवर हल्लाबोल केला.
भाजपाच्या विरोधात अडीच वर्षे सत्तेत असतांना याची जाणीव आम्हाला आहे. आदित्य ठाकरे किती फिरले पाहा. त्यांचे दौरे काढा. सर्व लिस्टवर आहे. पण एकटे शिंदे साहेब फिरले. शिंदे पाच वेळा आमच्या मतदारसंघात आले. शरद पवार 80 वर्षाचा माणूस जळगावात तीन वेळा आले. टोपे आले, मुंडे आले, अजितदादा आले. जयंत पाटील आले. तुम्ही का नाही आले? असा सवाल गुलाबराव पाटील यांनी केला. विधानसभेत मुख्यमंत्री एकनाथ शिंदे यांच्या अभिनंदन प्रस्तावावर ते बोलत होते. आम्ही केवढी मोठी रिस्क घेऊन आम्ही बाहेर निघालो. असे देखील त्यांनी सांगितले.
शिवसेना पक्षप्रमुख उध्दव ठाकरे यांच्या आजूबाजूला असलेल्या चार कोंबड्यांना बाजूला करा, मग बघा शिवसेना कशी वाढतेय. असा टोला देखील त्यांनी लगावला.
