लाईव्ह महाराष्ट्र न्यूज : गेले काही दिवस सुरू असलेल्या राजकीय नाट्याचा शेवटचा अंत आज, सोमवारी होणार आहे. रविवारी विधानसभा अध्यक्षपदासाठी झालेली निवडणूक शिंदे सरकारने आरामात विजय मिळवला आहे. त्यामुळे आता आजच्या बहुमत चाचणीकडे सर्वांचे लक्ष लागले आहे. आज बहुमत चाचणी पार पडल्यानंतर एकनाथ शिंदे शिवसेनाप्रमुख बाळासाहेब ठाकरे यांच्या स्मृतीस्थळाला अभिवादन करण्यासाठी जाणार आहेत.
बहुमत चाचणी झाल्यानंतर एकनाथ शिंदे विधिमंडळ वार्ताहर संघाच्या परंपरेनुसार विधानभवनात पत्रकार परिषदेला सामोरे जाणार आहेत. त्यानंतर ते हुतात्मा चौक येथे जाऊन संयुक्त महाराष्ट्र लढ्यातील हुतात्म्यांना अभिवादन करतील. त्यानंतर छत्रपती शिवाजी महाराज मैदानातील शिवसेनाप्रमुख बाळासाहेब ठाकरे यांच्या स्मृतीस्थळाला अभिवादन करण्यासाठी जाणार आहे. तसेच, ते आज चैत्यभुमी येथे भारतरत्न डॉ. बाबासाहेब आंबेडकर यांच्या स्मारकाला अभिवादन करणार आहेत.
त्यातच शिवसेना पक्षाच्या नेतेपदी अजय चौधरी यांची झालेली नियुक्ती रद्द ठरवत मुख्यमंत्री एकनाथ शिंदे यांची गटनेतेपदी निवड कायम ठेवण्याचा निर्णय नव्या अध्यक्षांनी घेतला. त्यामुळे आमदारांच्या अपात्रतेवरून शिवसेना -शिंदे गटातील संघर्ष तीव्र होण्याची चिन्हे आहेत.
