दोन्ही मालवाहू वाहन चक्काचूर झाल्या, तीन जण उड्डाणपुलावरून थेट खाली कोसळले
जळगाव ; फैजपूर येथील बाजारासाठी बोलेरो पीकअप वाहनातून बकर्‍या घेऊन जाणार्‍या वाहनाला भरधाव वेगाने रॉंग साईडने येणार्‍या ट्रकने उडविले. यानंतर हाच ट्रक आणखी एक ट्रकवर धडकून या भिषण अपघातात यात चार जण ठार झाले आहे. बुधवारी पहाटे साडेसात वाजेच्या सुमारास जळगाव तालुक्यातील नशिराबाद ते साकेगाव दरम्यान सिमेंट फॅक्टरीजवळ रेल्वे उड्डाणपुलावर हा भिषण अपघात झाला.
जुनेद सलीम खाटीक (वय-१८) रा आझाद चौक,भडगाव , अकील गुलाब खाटीक (वय-४२) रा.फैजपूर हल्ली मुक्काम सुप्रीम कॉलनी जळगाव, व नईम अब्दुल रहीम खाटीक (वय-५५) बिलाल चौक जळगाव, फारुख मजिद खाटीक ( वय 40 रा. भडगाव आझाद चौक) अशी मयताची नावे आहेत.
जळगावकडून बुधवारी सकाळी बकऱ्या घेऊन मालवाहू पीकअप क्रमांक एमएच.४३.एडी.१०५१ व एमएच.१९.बीबी.००५० हे भुसावळच्या दिशेने फैजपूर येथील बाजारासाठी जात होते. यादरम्यान नशीराबाद ते साकेगाव दरम्यान महामार्गावर सिमेंट फॅक्टरी ते डॉ.उल्हास पाटील वैद्यकीय महाविद्यालयजवळ रेल्वे उड्डाणपुलावर वळणावर समोरून येत असलेल्या ट्रक क्रमांक एमपी.०९.एजी.९५२१ ने दोन्ही वाहनांना जोरदार धडक दिली. या तिहेरी वाहनांच्या भिषण अपघातात चौघे जागीच ठार झाले.
अपघात इतका भयंकर होता की चौघांचा जागीच मृत्यू झाला. ट्रकच्या धडकेत तीन जण उड्डाणपुलावरून थेट खाली कोसळले. दोन्ही मालवाहू चक्काचूर झाल्या असून एक मालवाहूची ट्रॉली ट्रकला चिकटली होती. मयत आणि जखमींना तात्काळ डॉ.उल्हास पाटील वैद्यकीय महाविद्यालयात हलविण्यात आले. जखमींवर डॉ. उल्हास पाटील मेडिकल कॉलेजमध्ये उपचार सुरू आहेत. दरम्यान, अपघाताची माहिती मिळताच परिसरातील नागरिकांनी घटनास्थळी धाव घेऊन मदतकार्य सुरू केले. महामार्गावर वाहतूकीच्या लाबच लाब रांगा लागल्या होत्या.
