जळगाव : प्रतिनिधी
धरणगाव तालुक्यातील चांदसर गावाचे माजी प्रथम लोकनियुक्त सरपंच श्री. सचिन जगन्नाथ पवार यांची अखिल भारतीय सरपंच परिषद उत्तर महाराष्ट्र विभाग संघटक पदी नियुक्ती करण्यात आली आहे. ही नियुक्ती परिषदेचे राष्ट्रीय अध्यक्ष मा. जयंत पाटील यांच्या मार्गदर्शनाखाली करण्यात आली.
सरपंच कार्यकाळात श्री. पवार यांनी गावच्या सर्वांगीण विकासासाठी उल्लेखनीय कार्य केले असून, त्याचे सकारात्मक परिणाम संपूर्ण परिसरात पाहायला मिळाले. त्यांच्या या कार्याची दखल घेत परिषद अध्यक्षांनी ही महत्त्वाची जबाबदारी त्यांच्यावर सोपवली आहे. या माध्यमातून उत्तर महाराष्ट्रातील सरपंच बांधवांना मार्गदर्शन व सहकार्य मिळणार असून, गावपातळीवर अधिक सक्षम नेतृत्व तयार होण्यास हातभार लागणार आहे.
या निवडीबद्दल राज्याचे माननीय पालकमंत्री मा. गुलाबराव पाटील यांनी त्यांचे विशेष अभिनंदन केले असून, पुढील कार्यासाठी शुभेच्छा दिल्या आहेत.
