अमळनेर : प्रतिनिधी
तालुक्यातील मंगरूळ येथील ३८ वर्षीय तरुणाने राहत्या घरात दोरीने गळफास घेवून आत्महत्या केल्याची घटना गुरुवार १७ जुलै रोजी सकाळी १० वाजता समोर आली आहे. आत्महत्या करण्याचे कारण समोर आलेले नाही. याबाबत अमळनेर पोलीस ठाण्यात अकस्मात मृत्यूची नोंद करण्यात आली आहे. निंबा पांडुरंग कुंभार (वय-३८), रा. मंगरूळ ता. अमळनेर असे मयत झालेल्या तरूणाचे नाव आहे.
नातेवाईकांकडून मिळालेली ही माहिती अशी की, निंबा कुंभार हा आपल्या कुटुंब अमळनेर तालुक्यातील मंगरूळ येथे वास्तव्याला होता. गुरुवार १७ जुलै रोजी सकाळी १० वाजेच्या राहत्या घरात गळफास घेवून आत्महत्या केली. दरम्यान आत्महत्या करण्याचे कारण समोर आलेले नाही. ही घटना समोर आल्यानंतर नातेवाईकांनी धाव घेऊन त्याला खाली उतरवले आणि अमळनेर येथील ग्रामीण रुग्णालयात दाखल करण्यात आले. त्यावेळी वैद्यकीय अधिकारी यांनी मयत घोषीत केले. या संदर्भात अमळनेर पोलीस ठाण्यात अकस्मात मृत्यूची नोंद करण्यात आली आहे. या घटनेचा पुढील तपास पोलीस हेड कॉन्स्टेबल काशिनाथ पाटील हे करीत आहे.
