धरणगाव प्रतिनिधी । तालुक्यातील चिंचपूरा येथे शेतकरी संवेदना अभियानांतर्गत आयोजित कार्यक्रम तहसीलदार नितीनकुमार देवरे यांच्या उपस्थितीत पार पडला.
याप्रसंगी तहसीलदार नितीनकुमार देवरे यांनी उपस्थित शेतकऱ्यांना शासकीय योजना बद्दल माहिती देऊन त्यांच्या समस्या जाणून घेतल्या. सोबत निराधार महिलांना जिवनावश्यक किट, गरजूंना शिधापत्रिका वाटप करण्यात आले. प्रास्तविक कैलास पाटील यांनी केले तर आभार राजेंद्र सर मानले. याप्रसंगी मंडळाधिकारी सुरेश बोरसे, तलाठी राहुल ढेरंगे, सरपंच, कैलास पाटील, उपसरपंच, महिला मंडळ व ग्रामस्थ मोठ्या संख्येने उपस्थित होते.
