प्रतिनिधी प्रविण पाटील : जळगाव तालुक्यातील लमांजन येथील ग्रामपंचायतीच्या उपसरपंचपदी रतीलाल सोनवणे यांची शनिवार ३० एप्रिल रोजी बिनविरोध निवड करण्यात आली.
लमांजन उपसरपंचपदासाठी निवडणूक ग्रामपंचायत कार्यालयात सरपंच राधाबाई पाटील यांच्या अध्यक्षतेखाली शनिवारी ३० एप्रिल रोजी सकाळी घेण्यात आली. यावेळी निवडणूक निर्णय अधिकारी म्हणून संजय बागुल यांनी काम पाहिले. उपसरपंच पदासाठी रतीलाल सोनवणे यांचा एकमेव अर्ज आल्याने त्यांना उपसरपंचपदी बिनविरोध निवड झाल्याचे निवडणूक निर्णय अधिकारी संजय बागुल यांनी घोषीत केले. याप्रसंगी कमलबाई पाटील, सुमन पाटील, बेबा सोनवणे, सुनीता मोरे, दादा पाटील, महादु पाटील, हिरामण कोळी, रमेश गुंजाळ, बबन आप्पा, राजु धनगर, सुकदेव पाटील, गोरख पाटील यांच्यासह गावातील जेष्ठ नागरिक मोठ्या संख्येने उपस्थित होते. यावेळी त्यांच्या निवडीबद्दल सरपंच राधाबाई पाटील यांनी उपसरपंच रतीलाल सोनवणे यांचा सत्कार करण्यात आला.
