जळगाव प्रविण पाटील । तालुक्यातील जळके येथील विविध कार्यकारी सोसायटीच्या पंचवार्षीक निवडणूकीचा कार्यक्रम जाहीर करण्यात आला आहे.
जळगाव येथील विविध कार्यकारी सेवा सोसायटी पंचवार्षिक निवडणूक कार्यक्रम नुकताच जाहीर झाला आहे. यात नामनिर्देशनपत्र विक्री व दाखल करण्याची तारीख १३ एप्रिल २०२२ ते २१ एप्रिल २०२२ पर्यंत सकाळी ११ वाजेपासून ते दुपारी ३ वाजेपर्यंत तसेच प्राप्त झालेले नामनिर्देशनपत्र प्रत्येक दिवशी तीन वाजता प्रसिद्ध करण्यात येतील. प्राप्त झालेल्या नामनिर्देशन पत्रांची छाननी २२ एप्रिल २०२२ रोजी सकाळी ११ वाजता उपनिबंधक सहकारी संस्था जळगाव निवडणूक कार्यालय येथे होईल. त्यानंतर नामनिर्देशनपत्रांची यादी २५ एप्रिल २०२२ रोजी सकाळी ११ वाजता प्रसिद्ध केली जाईल.
नामनिर्देशनपत्र मागे घेण्याची तारीख २५ एप्रिल २०२२ ते ९ हे २०२२ पर्यंत सकाळी ११ वाजेपासून तर दुपारी ३ वाजेपर्यंत निवडणूक कार्यालय जळगाव या ठिकाणी आहे. तसेच सर्व पात्र उमेदवारांना चिन्ह वाटप व अंतिम विधी प्राय नामनिर्देशनपत्रांची यादी १० मे २०२२ रोजी ११ वाजता निवडणूक कार्यालय जळगाव येथे प्रसिद्ध करण्यात येईल. जळके विविध कार्यकारी सेवा सोसायटीचे मतदान २२ मे २०२२ रोजी सकाळी ८ वाजेपासुन दुपारी ४ वाजेपर्यंत घेण्यात येईल. मतदान संपल्यानंतर लगेच मतदान केंद्रावर मतमोजणी होऊन निकालाची घोषणा करण्यात येईल अशी माहिती निवडणूक निर्णय अधिकारी यांच्या कार्यालयातून प्राप्त झाली आहे.
