बोदवड : प्रतिनिधी
शहरातील भर चौकात रस्त्यावर असलेली हॉटेल अमर चोरट्यांनी लक्ष केले. खिडकी तोडून हॉटेलमधील ५० हजाराची रोकडसह सीसीटीव्ही कॅमेरे तोडून चोरटे पसार झाले आहेत.
मिळालेल्या माहितीनुसार, ही घटना गुरुवारी पहाटे उघडकीस आली. चोरट्यांनी हॉटेलच्या दुसऱ्या मजल्यावर असलेल्या खिडकी फोडून आत प्रवेश केला. त्यात हॉटेलमध्ये लावलेले सीसीटीव्ही कॅमेरे तोडत चोरट्याने हॉटेलच्या गल्ल्यात असलेले ४७ हजार शंभर रुपये चोरून नेले. गुरुवारी सकाळी हॉटेल उघडल्यावर हा प्रकार उघडकीस आला. याबाबत पोलिसांना बोदवड माहिती मिळताच त्यांनी घटनास्थळी धाव घेतली. पोलिसांनी पाहणी करून पंचनामा केला. याप्रकरणी बोदवड पोलिसात रात्री उशिरापर्यंत गुन्हा नोंदविण्याचे काम सुरू होते.
